أشيل الحمل عن غيري وحملي صار ما ينشال ..

على الله يا زمن بشكي جروحي .. والليالي طوال ..

عسى راعي العنا ينسى عناه .. وينشرح صدره ..

على الله يا زمن بشكي همومي .. والهموم جبال ..

تعدت عاصمة حزني حدود العالم بأسره ..

خسارة بالسنين اللي كتبتي سيرة الترحال ..

فرحت أمس وحزنت اليوم ..

بس الخوف من بكره ..

لساني كم شكى صمته .. !! وإلى منه حكى ما قال ..

طغى طبع السكوت أبسيرة المحروم من صغره ..

سقى الله يوم كنت أضحك .. وبالي مستريح البال ..

ضحوك ما عرفت الحزن والحزن وش معناه .. وش قدره ..

كبرت وكبرت أحلامي .. وصارت قصة الترحال ..

أماني في مهب الريح .. وحلم ما بعد أكتمل بدره ..

بعذر اللي مع أيامه جلس يبكي على الأطلال ..

تذكر ماضي أفراحه .. ألين خنقته العبره ..

عزيزة يالحروف اللي سكتي والكلام يقال ..

حكيتي وما شكيتي الهم وهم القلب ياكبره ..


عزيزة يالأدين اللي ثنيتك بأصعب الأحوال .. !!

أكفك ساعة الحاجه .. وأمدك ساعة القدرة..

أشيل الحمل عن غيري وحملي صار ما ينشال ..

( كما الشيخ الهزيل اللي مشيته منقض ظهره .. )

وعن حر الزمن صارت حروفي للجروح ظلال ..

تذكرت عن هبوب اليأس حلم قد بنى قصره ..

على اللي ينجلي وقت قضيته هم مع غربال ..

ويضحك للزمن قلب مع همومه ..!!

و قضى عمره ..