انا يابحر ماجيتك فاضيه ولمشاهدك شفقــــانه
انا جيتك ابنسى الياس وبعض الهــــم يبارني
على بالك انا جالس اسامر موجـــك الغضبان
اسولف له عن اوجاعي وعني وغـــربه سنيني
علامك يابحر غاضب علامك تصرخ بكتمـــان
انــا جيتـك ابشـكيـلك وابـي منـــك تــواسينـي
انا مثلك بحر لكـن وسـط نفسـي انــا غــرقـانه
تعبــت ابحــر مــع نفسـي واسالهـا انـاويني
انـا محتاره في وصفي ومع نفسـي اناحيــرانه
انــا لاقــادره افهمها وهــي تجهــل مضــاميني
انا مليت من حزني وتعبت ابحث عن السلوان
ولاضــنيت بــه شــي عــن احزانــي يســلينـي
احــس ان الحزن عالم بحوره وصحوه وديان
تخيــل يــابحر حجمــه اذا حجمـــه سكـن فيني
تصور لو شقا الدنيا تجمـع في كيـــان انســـان
تصـــدق مــابقى بالكــون اسى مابات في عيني
تــرى كل الحــزن لــو غاب وراح لاخرالاوطان
يغيــب ويرتحـــل لحظــات ويرجــع يستقـر فيني
انا اخــر فصول الحزن وانا لـــدروبه العنـــــوان
وانـــا اخــر عزوفـــاته واصــــــواتــه تغنينـــي
انا والليل والغـــربه تعانقنـــا مثـــل الاخـــــوان
ليلــــي كــــل اهــــاتي والغـــــربه عنـــــاوينـي
تعبت اسقي احلامي وازرع بالوهم بستان
تعبت ولا نبت زرعــي وتعبت وجفت بســاتيني
الايــــابحر جـــاوبني وش اخـــر هذي الاحزان
وش اخر رحله اوجاعي وعناي وغربه سنيني
ليست هناك تعليقات:
إرسال تعليق